Przepowiostka o zelesku

Rzekł jima jinszą przepowiostke: „Z niebiesczim królestwe je jak z człowiekę, co mioł zasone semię na swoji niwie. A cziej ledze spele, przeszedł jego nieprzejocel, nosoł zeleska midze pszenicę i odszedł. A cziej zboże werosło i wepusceło kłose, tede pojawiło sę też zelesko, Słedze gospodarza przeszle i sę go spitele: „Panie, nie zasele we belnego semienia na swoji niwie? Skądka tej na ni sę wzęło zelesko? Odpowiedzioł jima: „Nieżeczny człowiek to zrobił „Słedze mu rzekle: „Chcece we tej, żebe me szle i to werwele?” A on jima rzekł: „Nie, bo prze płocym zeleska wa be powerwa razę z nim też pszenicę. Pozwoleta jima razę rosc jaż do żniw; a ob żniwa powiem żniwiarzom: Zebierzeta noprzód zelesko i powiążeta je w pęczczi do spolenio; a pszenicę zwiezeta do moji zbożownice”.

Z Ewanielejo wewdle św. Marka skaszebił

Eugeniusz Gołąbek.