Podatk na swiątinią

Cziej przeszle do Kafarnaumu, przestąpile do Piotra pobierocowie debeltowi drachme z zapitanim: „Waji Uczecel nie płacy debeltowi drachme?”
Odpowiedzoł: „Jo, tak je”. Cziej wszedł do checze, Jezes pierwszi do niego zagodoł: „Szemonie, jakuż te meslisz. Od kogo królowie na zemi pobierają danine abo podatczi? Od swojech cze od cezech ?” Cziej rzekł: „Od cezech”, Jezus mu rzekł: „Tak tej senowie są wolny. Żebesme jima jednak nie dele leżnote do zgroszeniego, biej nad jezoro i zarzuce wądkę ! Weź pierwszą rebę, jaką wecygniesz, e otemkni ji peszczk: nalezesz statera. Weź go a doj jima za Mie e za sebie !”

Z Ewanielejo wedle św. Mateusza skaszebił Eugeniusz Gołąbek