Dredżi roz w Jeruzalemie ob swięto

Uzdrowienie nad stawę Betesda

Jo przeszedł jem w miono mojego Ojca, a wa Mie nie przejęła. Równak, czejbe chto jinszi przeszedł w moje miono, tej wa be go przejęła. Nie jakuż wa możeta uwierzec, żele wzajemno od sebie odbierota chwałę, copochodzy od Boga? Nie mesleta równak, że to Jo mdę waju skarżił przed Ojcę. Wajim obskarżecelę je Możesz w jaczim wa mota nodzeję. Ale cziejbe wa uwierzeła. Bo on o Mie pisoł. Żele równak jego pismionom nie wierzita, jakuż tejmojim słowom bądzeta wierzeła.

Żewe chleba

Cedowne powielenie chleba

Ponemu Jezs sę udoł za Galilejsczie Jezoro, jinaczi Tiberiadzczie. Szło za Nim wieleledztwa, bo widzele znaczi, jaczie czenił dlo tech,chterny chorzele. Jezes weszedł na górkę e sodł tam ze swojima uczniama. A zbliżało sę żedowsczie swięto Pascha. Cziede tej Jezes podniósł ocze i uzdrzoł, że wioldżie rzme ledzy schodzą sę do Niego , rzekł do Filiepa: „Skądka kupime chleba, żebe oni sę pożewile?” A mówił to, żebe go wepróbowac. Bo wiedzoł, co mo robic.

Z Ewanielejo wedle św. Łukasza skaszebił Eugeniusz Gołąbek.