Pik je trumf
Ledze w Swjonowie trzimele wjele wod ceskanjo kort. Ceskele w „baszkę”, a wjesko sfera jakno ksądz, worganjista, szkolni i zacni gbur z Ceszonka ceskale w „skata”.
Tak roz w sobote, a beło to latem zasedle wjeczor do kort i skuńczele jaż za wjidna. Gbur August szed reno noprzod dodom sę wumec i wodswjętnje woblec, a tej kąsk wetrzezwjali szed do koscoła jak njigde njic. Weloz na chur, wusod so w norcek i wnetka zdrzemnął i począł chrapjec.
Podczs Podnjesenigo w koscele sę często wuczeszeło, a tej koscelni go pocignął za rękow, żebe wodeck i wuklek, ale August le sę zwjichloł i na całi głos zawrzeszczoł:
- Pik je trumf!
Augustowi sę gwes snjiło
Że mu korta szła jaż mjiło.
Chceme le so zażec!

Lelek
Kaszebi są na wogle baro rozemnim ledem. Ale lelekow tam-sam do też wu nas jak wszędze na sjece. Jeden z takjich lelekow przeszed roz do mie do Perdegonow:
- Neceże, Gucza, będzece tak dobri i napiszce mie podowwo zmianę mojigo mieńwigo.
- A jakuż te sę mienisz?
- Ko Julis Pipka.
- Wej, decht piękni nasze kaszebskij mieńwo.
- Wu te złigo piękni ! Ko ze mie sę wiedno weszczerzają, ze jem Pipka, a to mie ju tak domierzło, że chcę sę mienić jinaczij.
- Jo jesz ni mom czeti, żebe Kaszeba sę z Pipkow weszczerzoł!
- Kaszebi ni, le tam dalij ledze zeza Chonic. Wu nich pipka to je cos sprosnigo, co każdi chłop wiedno prze se nosi.
- Aha ! Ko tej le so biej szekac taką pipkę, co ce takji
- Głupi podow naskribli, bo widzę, że jes lelek.
Chto pogordzo mieńwem Pipka,
Ten je lelek – i ta pipka !
Chceme le so zażec !