Miesąc lepińc
2.VII Nawiedzenie Noswietszi Marije Panne
/Matczi Bosczi Jagodowi/
U jednych – Matczci Bosczi Jagodowi
U dredżich – głodowi.
/M.B. Jagodowi – czas cziej dozdrzewają jagode w lese/.
W dzeń Marije Nawiedzenio jak deszcz porosy,
Szterdzesce dni podobnych po se przenosy.
W Nawiedzenie Matczci Bosczi
Udżibają sę przed Nią kłosczi.
/O cężcziech kłosach, od jacziiech zboże sę udżibo/
10. VII Setme Bracy
Setme bracy – swiętech męczelników, oni nijak bracama nie bele. Jejich miona: Januari, Feliks, Filep, Sylwan, Aleksander, Witalis e Marcjalis – oddele zece za wiarę. W nen dzeń lud tczi pamiątke Setme Bracy Spiącech, co nie bele męczelnikami, a tak poprowdze jich uroczestosc przepodo na dzeń 27. VII. Braco Spiący nie so uznony swiętima. Podług powiostczi setme chrzescyjanów, za cesorza Decjusza /w 252 r./, ucekając przed ustegowanim, skreło so w jamie kole Efezu. Pogoni, co jich gonile zasepele wchód do jame, a ti, w ny jamie pousnele. Odeckle dopierze 196 lat pózdni, za Teodozjusza II /448 r./, w czasach chrzescyjańscziech, cziej przetrofkę ne jame chtos otemk. Miele to bec: Maksymilian, Dionizy, Jan, Serapion, Konstanti, Malchus, e Martinian/.
Jak deszcz w sedme Bratów Spiacych,
To sedme tidzeniów taczich.
Jako pogoda w Sedme Bratów Spiacych,
Tako bez sedme niedzel następujących.
Chto spi po połni w Sedme Bratów Spiących –
Bądze spowoł bez sedme niedzel,
A chto zachorzi –
Zasnie na wieczi.
16 VII Matczi Bosczi z Góre Karmelu
/Matko Bosko Skaplerzno, Zniwno, Sjonowsko, Swarzewsko/
Ze Skaplerzna Matką
Na zogon czeladko.
Na Matkę Boska Skaplerzną
Kosnice ju rzną.
19. VII Swieti Wincenty a Paulo
Na Wicka sjetego
Badze chleb z nowego.
22 VII Swięto Magdalena
Na Magdalenę pogoda –
Pszczołom wigoda,
A żele szlaga –
Tej bieda.
25 VII Swięti Jakub
Jak przed Kubą kwiat na bulwach opodo
Mało pełnech miechów w jeseni se skłodo.
Jak Kuba z cepłem se głosy –
Boże Narodzenie mroze przenosy.
Na Jakuba doj pore joj do kosza,
A Kube przeczeni ce grosza.
/Niejedny gospodorze, jaczim kure w dzeń sw. Jakuba zniesą wicy jak mędel joj, polowę rozdowają ubodżim w kosziczi, z meslą, że Pon Bóg jima za to pobłogosławi /.
26 VII Swieto Anna /matka Noswietszi Marije Panne/
Sjęto Anka
Do ksędzom baranka.
/Klosztorny kwestorze pod kuńc lata kwestowale po dworach/
Do Lepusza –
Po tatusza,
Do Seleczena na Sjętą Annę
Po dobrą panne.
/Przegodka do odpustów w Lepuszu – sw. Michoła arch. 29.IX i w Seleczenie – sw. Anne 26. VII/.
31. VII Swięti Jignacy
Powiodo sjeti Jignacy,
Że me nie wszetce jednaczi.
Sjeti Jignac złomił noge,
A swjat na nogach postawieł.
/Sw. Jignacy beł cęzko reniony prze obronie Pampelune w 1521 r./.
Miesiąc zelnik
1. VIII Swięti Pioter
Do sjetego Piotra Polikope
Jesz nie twoje w polu snope.
/Polikopa – bo o tim czasu grzemot często poli kopice, abo prze kuńcu żniw zboże w rzędach/.
Na sjetego Polikope
Grom popoli snope.
10. VIII Swieti Wawrzińc
Na Wawrzińc –
Pierszi jesyńc
/Pierwsze znaczi, że nadchodo jeseń/.
Na sjeti Wawrzińc
Z kosą w żeto przińdz !
/Na Kaszebach zniwa so zaczinają pozdno, a nieroz deszcze nie dowaja jich rozpoczic przed sw. Wawrzińcę/.
Sjęti Wawrzińc
Odmiko zwierzińc.
/Żele żniwa są skuńczone, może bedło nekac na rzesko/.
Za przecziństwem sjetego Męczelnika,
Chroń, Boże, pszczołe od szkodnika.
/Sw. Wawrzińc je opiekune pszczolarztwa. W nen dzeń przode beł swięcony swiezo webrony miód i roczele nim wszetcziech domocech/.
12. VIII Swięto Klara
Powiedza sjęto Klera,
Że to mdze piękno pora;
A powiedzoł sjęti Fric, /29. XI/
Że z tego nic.
/29. XI. na Frideryka, je ju Adwent/
15. VIII Wniebowzęce Noswiętszi Maryji Panne /Matczi Bosczi Zelny,
M.B. Żniwowi/
W dzeń Matczi Bosczi Zelny
Kożdi kwiotk woło:
Wezże mie do koscoła !
/Przenoszo so do poswięcenio zela i kwiate/.
Jak Zelno Matka deszcz przenosy –
W Narodzenie Matczi rosy /8. IX/
We Wniebowzęce Panne
Jak słuńce chodzy,
Wiele brzadu se obrodzy.
16. VIII Swieti Roch
Sjeti Roch
Zasoł groch.
Miesąc wiedzoł,
Nie powiedzoł.
Słunko wstało,
Pozebrało.
Dzys na połnie to groch dało.
17. VIII Swieti Jock
Jak na Jocka pogodnie –
Seche na jeseni dnie.
20. VIII Swięti Bernard
Jak na sjętego Bernada zemia cwardo –
Zema bądze hardo;
A jak miętko –
To letko.
24. VIII Swięti Bartłomiej
Na sjęti Bartk
Ceskoj żeto ze sewank.
/Choc perznę w nen dzeń zasej/.
Bartłomieja –
W Bogu nodzeja.
/Zoczątk sewów/.
Chto na Bartłomina kąpie se ostatny roz,
To mu w zemie nie dokuczi mróz.
/Bo je zahartowony/.
Na sjeti Bartłomieja cziwut ucecze,
A chłop zbożego ju nie usecze.
/Cziwut – czjka – odlejcywo do cepłech krajów i mo bec po żniwach/.
Drzec ze skóre, jak Bartomina.
/Przegodka do św. Bartłomieja,
jacziego żiwcę odzerle ze skóre/.
Jak sjęti Bartomin minie,
Chętka do jachtowanio jimnie.
/Do sw. Bartłomieja jachta je zakozono/.
28. VIII Swieti Augustin
Na sjętego Augustina
Orzba na dobre sę zaczino.
